ESTONİYA YIĞMA KOMANDASININ ÜZVÜ AZƏRBAYCAN MİLLİSİNƏ CƏLB OLUNMUŞDUR
Bakı, 24 aprel (AZƏRTAC). Qılıncoynatma üzrə Estoniya yığma komandasının üzvü Kənan Yusifov idmançı karyerasını Azərbaycanda davam etdirəcəkdir.
Azərbaycan Qılıncoynatma Federasiyasının baş katibi Ramin Məmmədov demişdir ki, artıq bununla bağlı Estoniya Qılıncoynatma Federasiyası ilə razılığa gəlinmişdir.
R.Məmmədov Azərbaycan yığmasının heyətini gücləndirmək məqsədilə gələcəkdə də legionerlərin cəlb olunacağını söyləmişdir.
Qeyd edək ki, şpaqa üzrə yarışlarda qüvvəsini sınayan K.Yusifov sonuncu dünya çempionatında 15-ci yeri tutmuşdur.
Bölmənin digər xəbərləri
