ESTONİYADA 18 YAŞINADƏK ŞƏXSLƏRİN SAAT 23-DƏN SONRA KÜÇƏDƏ OLMASI QADAĞAN EDİLƏCƏK

19.05.2004 [23:36]
Çap et
A⁺ A^-

AZƏRTAC xəbər verir ki, Estoniya parlamentinin sosial işlər komissiyasının üzvləri 18 yaşınadək şəxslərin yaşlıların müşayiəti olmadan gecə vaxtı küçəyə çıxmasını qadağan etmək təklifini irəli sürmüşlər.

Beləliklə, parlament üzvləri yetkinlik yaşına çatmayanlar arasında alkoqollu içkilər istehlakının artmasının qarşısını almaq istəyirlər. Qanun layihəsi yaşlıların müşayiəti olmadan 18 yaşınadək şəxslərin qışda saat 23-dən səhər 5-dək, yayda isə saat 24-dən 6-dək küçədə olmasını qadağan edir.

Bundan əlavə, yetkinlik yaşına çatmayanlara alkoqollu içkilər satılan gecə barlarında hətta yaşlıların müşayiəti ilə də olmaq yasaqlanacaqdır.