ESTONİYADA AZƏRBAYCAN DİLİNDƏ RADİO VERİLİŞLƏRİ YAYIMLANACAQDIR
Bakı, 29 iyun (AZƏRTAC). Yaxın günlərdə Estoniyada Azərbaycan dilində radio verilişləri yayımlanacaqdır.
Ölkənin ən məşhur radio kanalı olan “Radio-4”-də Azərbaycan bölməsi açılır.
İlkin mərhələdə həftədə bir dəfə, yarım saat efirə çıxmaq nəzərdə tutulur. Azərbaycan dilində hazırlanan verilişlər eston dilində də səsləndiriləcəkdir. Sonrakı mərhələdə isə proqramların ingilis dilində də səsləndirilməsi planlaşdırılır.
“Radio-4” vasitəsilə ölkəmizdə baş verən hadisələrin xronikası, elm, təhsil, mədəniyyət xəbərləri, tarixi şəxsiyyətlər haqqında məlumatlar, Estoniyanın elm, təhsil, mədəniyyət yenilikləri, bu ölkədəki Azərbaycan diasporunun fəaliyyəti barədə xəbərlər dinləyicilərə çatdırılacaqdır.
Bölmənin digər xəbərləri
