EVLƏRİ QARƏT EDƏN DƏSTƏ YAXALANMIŞDIR

03.11.2004 [11:19]
Çap et
A⁺ A^-

AZƏRTAC xəbər verir ki, Sabunçu rayon 13-cü polis bölməsinin əməliyyatçıları Bakıxanov qəsəbəsində evləri qarət edən Ramil Əhmədov, Arif İbrahimov və Rafael Qurbanovdan ibarət cinayətkar dəstəni yaxalamışlar. Onlar qəsəbə sakini Cabir Kamilovun yaşadığı mənzildən 20 min ABŞ dolları və 500 avro oğurlamışlar.

Dindirmə zamanı məlum olmuşdur ki, Rafael Qurbanov ona çatan 3 min dollara özünə maşın almış, dəstənin təşkilatçısı Ramil Əhmədov isə payına düşən 8 min 500 ABŞ dollarının 5 min 500-nü müxtəlif həbsxanalardakı dostlarına və vaxtilə müalicə olunduğu xəstəxanaya göndərmişdir.

Xatırladaq ki, Ramil Əhmədov quldurluq və oğurluq, Rafael Qurbanov isə maşın oğurluğu üstündə əvvəllər məhkum edilmişlər.

Faktla bağlı cinayət işi açılmışdır.

EVLƏRİ QARƏT EDƏN DƏSTƏ YAXALANMIŞDIR

MÜƏLLİFLƏ ƏLAQƏ

Bölmənin digər xəbərləri