Fələstin Dövlətinin naziri: bizim çox böyük mənzil problemlərimiz var
Bakı, 21 may, AZƏRTAC
WUF13-də iştirak etməkdə məqsədimiz auditoriya ilə, müxtəlif ölkələrdən olan iştirakçılarla, eləcə də Azərbaycanla fələstinli insanların, xüsusilə də mənzil sahəsindəki əziyyətlərini bölüşməkdir. Çünki bizim çox böyük mənzil problemlərimiz var.
Bu sözləri AZƏRTAC-a məxsusi müsahibəsində Fələstin Dövlətinin yerli özünüidarəetmə naziri Sami Hijjavi deyib.
Onun sözlərinə görə, Qəzza zolağında müharibə nəticəsində 372 min ev dağıdılıb və 60 mindən çox mənzilin təmirə ehtiyacı var. "Həyatın bütün aspektləri çətindir və biz inanırıq ki, mənzil yalnız daş və betondan ibarət bina deyil, eyni zamanda, insanlara ümid gətirmək və problemin humanitar aspektini insanlara çatdırmaqdır", - deyə fələstinli nazir qeyd edib.
O, Fələstin Dövlətinin WUF13-də iştirakının vacibliyini vurğulayaraq Azərbaycan rəsmiləri və beynəlxalq tərəfdaşlarla forum çərçivəsində görüşlər keçirdiyini diqqətə çatdırıb.
Fotoqraf - Azər İbrahimov
Bölmənin digər xəbərləri
