Fərid Qayıbov: “Qələbə qaçışı”nda iştirakçı sayının artması sevindirici haldır
Bakı, 3 noyabr, AZƏRTAC
“Sevindirici haldır ki, dörd il ard-arda təşkil olunan bu yarışda iştirakçıların sayı hər dəfə artır”.
AZƏRTAC xəbər verir ki, bu sözləri gənclər və idman naziri Fərid Qayıbov “Qürurla irəli” devizi ilə təşkil edilən “Qələbə qaçışı”ndan sonra jurnalistlərə açıqlamasında deyib.
O, xüsusi önəm kəsb edən bayramda iştirakçıların birlikdə qaçmağının qürurverici hal olduğunu bildirib: “Artıq dördüncü dəfədir “Qələbə qaçışı”nda iştirak edirəm. Burada olan hər kəsə təşəkkür edirəm. Bilirsiniz ki, qaçışdan toplanan vəsait “YAŞAT” Fonduna köçürüləcək. Həqiqətən də möhtəşəm təşəbbüsdür".
Qeyd edək ki, “Qələbə qaçışı”nda kişilərdə birinci yeri Elmar Abışov, qadınlarda isə Anna Yusubova tutub.
Bölmənin digər xəbərləri
