Fernando Alonso Hemilton ilə yenidən eyni komandada olmaq arzusundadır
Bakı, 18 aprel, AZƏRTAC
Formula 1 yürüşlərinin ikiqat dünya çempionu Fernando Alonso bəyan edib ki, karyerası başa çatanadək Lyuis Hemiltonla bir daha eyni komandada olmağı arzulayır.
AZƏRTAC xəbər verir ki, ispaniyalı ilə britaniyalı 2007-ci ildə “McLaren” komandasında ortaq olublar. Həmin tərəfdaşlıq münaqişə və mövsümün sonunda Fernandonun komandadan getməsi ilə başa çatıb.
“Lyuis ilə yenidən eyni komandada olsam, buna sevinərdim. 2007-ci ildə çətin mövsümə baxmayaraq, biz həmişə bir-birimizə hörmət etmişik və bu, indi də davam edir. Mən onu eyni trasda nə vaxtsa rast gəldiyim ən istedadlı pilotlardan biri hesab edirəm.
On altı il bundan əvvəlki münaqişəni aradan qaldırmaq olardı, sadəcə, “McLaren”in rəhbərliyi bunun öhdəsindən gəlmədi. Hər ikimiz olduqca gənc və təcrübəsiz idik. Komanda bizə vəziyyəti araşdırmağa kömək etməli idi, lakin bunu etmədi. Ötən illər ərzində biz dəyişib yaşa dolmuşuq”, - deyə Böyük Britaniyanın “Daily Mail” nəşri Fernando Alonsonun sözlərini sitat gətirir.
Bölmənin digər xəbərləri
