Filippində yanğın nəticəsində dörd nəfər həlak olub
Bakı, 16 dekabr, AZƏRTAC
Maniladan cənub-qərbdə yerləşən Kavite əyalətindəki Bakur şəhərində əhalinin sıx yaşadığı ərazidə baş verən yanğın dörd nəfərin ölümü ilə nəticələnib.
AZƏRTAC Sinxua agentliyinə istinadla xəbər verir ki, şəhər yanğınsöndürmə idarəsinin məlumatına görə, gecə saatlarında başlayan yanğından həmin ərazidə yaşayan 80-dən çox ailə zərər çəkib. Dar döngələr yanğınsöndürmə işlərinə əngəl törətdiyindən, bu prosesə 3 saatadək vaxt sərf olunub.
Bölmənin digər xəbərləri
