Firdovsi Kərimov: Azərbaycan dünyada idman ölkəsi kimi tanınır
Tbilisi, 17 oktyabr, AZƏRTAC
Tbilisidə Azərbaycan Respublikasının Dövlət Müstəqilliyinin Bərpası Gününün 30 illiyinə həsr olunan marafonun təşkili bir daha sübut edir ki, sülhsevər Azərbaycan dünyada həm də idman ölkəsi kimi tanınır.
Bu sözləri AZƏRTAC-a müsahibəsində Bakı Marafon Klubunun təsisçisi və rəhbəri idman ustası Firdovsi Kərimov söyləyib.
Dünyanın 50-dən çox ölkəsində keçirilən marafon yarışlarında iştirak etdiyini vurğulayan F.Kərimov deyib: “Tbilisidə Azərbaycan Respublikasının Dövlət Müstəqilliyinin Bərpası Gününün 30 illiyinə həsr olunan marafon yüksək səviyyədə təşkil olunub. Bu cür tədbirlər hər bir vətəndaş kimi bizdə də qürur hissi yaradır”.
Qeyd edək ki, Bakı Marafon Klubunun 7 üzvü bu tədbirdə iştirak etmək üçün Azərbaycandan Tbilisiyə gəlib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
