Florian Zenqstşmid: Dünya Turizm Bələdçiləri Assosiasiyası ilə əməkdaşlığımızı davam eydirməliyik
Bakı, 7 dekabr, AZƏRTAC
Yeni yaranan Turizm Bələdçilərinin Sertifikatlaşdırılması Orqanı tək sertifikatlarla məşğul olmayacaq, eyni zamanda, bazarın tələblərinə əsasən nəzəri və praktik hissəni təşkil edəcək, təlimlər həyata keçirəcək.
AZƏRTAC xəbər verir ki, bu sözləri Azərbaycan Turizm Bürosunun Baş icraçı direktoru, Turizm Bələdçilərinin Sertifikatlaşdırılması Orqanının (TBSO) sədri Florian Zenqstşmid deyib.
“Turizm bələdçiləri dəyər zəncirinin və ölkəmizə səyahət edən turistlərin məmnuniyyətinin mühüm hissəsini təşkil edir. Çünki turizm bələdçisinin turistə verdiyi informasiya nəticəsində turistin əldə etdiyi təəssüratlar çox önəmlidir. Buna görə də Dünya Turizm Bələdçiləri Assosiasiyası ilə əməkdaşlığımızı davam etdirməliyik”,- deyə Florian Zenqstşmid bildirib.
Bölmənin digər xəbərləri
