Fransalı idmançı Böyük səhrada keçirilən marafon zamanı dünyasını dəyişib
Bakı, 5 oktyabr, AZƏRTAC
Fransalı idmançı Böyük səhrada (Sahara) keçirilən və 6 gün davam edən marafonun ikinci mərhələsində dünyasını dəyişib.
AZƏRTAC xəbər verir ki, bu barədə yarışın mətbuat xidməti məlumat yayıb. Məlumatda 50 yaşlı marafon iştirakçısının ürək tutmasından öldüyü bildirilib.
Qeyd edilib ki, o, yarışdan əvvəl bütün tibbi testlərdən keçib. Marafonun təşkilatçıları idmançının kimliyini anonim saxlamağa qərar veriblər.
Sahara marafonu 1986-cı ildən hər il Sahara səhrasında keçirilir. Marafonun məsafəsi təxminən 250 kilometr təşkil edir.
Bölmənin digər xəbərləri
