FRANSIZLARIN ADDIMLARI TÜRKİYƏDƏ QAÇAQ YOLLA İŞLƏYƏN ERMƏNİLƏRİN QOVULMASINA ŞƏRAİT YARADA BİLƏR

11.10.2006 [11:04]
Çap et
A⁺ A^-

AZƏRTAC-ın xüsusi müxbiri xəbər verir ki, Türkiyənin dövlət naziri, Baş nazirin müavini Əbdüllətif Şənər Qərb ölkələrinin, xüsusilə Fransanın qondarma “erməni soyqırımı”nı siyasi alətə çevirməklə, əslində ermənilərə və Ermənistana pislik etdiklərini söyləmişdir. Dövlət naziri demişdir: “Əgər biz ölkəmizdə qaçaq işləyən erməniləri işdən çıxararsaq, bunun kimə faydası olacaqdır?”

Türkiyə parlamentində Avropaya inteqrasiya məsələləri komissiyasının sədri Yaşar Yakış isə bildirmişdir ki, Fransa parlamentariləri qondarma “soyqırım”ı inkar edənlərin cəzalandırılması ilə bağlı qanunun Fransada yaşayan 400 min erməninin təzyiqi altında hazırladıqlarını bəhanə edirlər.

Türkiyədə 70 min erməninin qaçaq olaraq işlədiyini də diqqətə çatdıran Yaşar Yakış, lazımi addımların atılmasının zəruriliyini vurğulamışdır.

Bundan əlavə, oktyabrın 10-da Fransanın Ankaradakı səfirliyinin qarşısında etiraz mitinqi keçirilmişdir. Mitinq iştirakçıları səfirliyin qarşısına qara əklil qoymuşlar.

FRANSIZLARIN ADDIMLARI TÜRKİYƏDƏ QAÇAQ YOLLA İŞLƏYƏN ERMƏNİLƏRİN QOVULMASINA ŞƏRAİT YARADA BİLƏR

MÜƏLLİFLƏ ƏLAQƏ

Bölmənin digər xəbərləri