Gənc həndbolçularımız Bolqarıstanda güclərini sınayacaqlar
Bakı, 5 iyun, AZƏRTAC
İyunun 12-dən 18-dək Bolqarıstanda inkişaf etməkdə olan ölkələr arasında kişi həndbolçuların ikinci çempionatı keçiriləcək.
Azərbaycan Həndbol Federasiyasından AZƏRTAC-a bildirilib ki, 15 ölkənin qatılacağı turnirdə Bolqarıstanla yanaşı Azərbaycan, Türkiyə, Albaniya, Andorra, Böyük Britaniya, İrlandiya, Moldova, Malta, Kipr, Gürcüstan, Kosta-Rika, Farer adaları, Lüksemburq və Ermənistandan olan komandalar yarışacaqlar.
16-24 yaşarası gənclərin mübarizə apardığı turnir Qabrova və Tarnova şəhərlərində keçiriləcək. Hər komandanın heyətində böyük yaş qruplarından üç həndbolçu iştirak edə bilər.
Qalib komandalar Beynəlxalq Həndbol Federasiyası tərəfindən təltif olunacaq.
Bölmənin digər xəbərləri
