GƏNC LİDERLƏR AZƏRBAYCAN DİASPORUNUN VƏZİYYƏTİNİ MÜZAKİRƏ ETMİŞLƏR
Bakı, 10 mart (AZƏRTAC). Martın 10-da “Gənc Liderlər” Uşaq Təşkilatının (GLUT) qərargahında “Azərbaycan diasporasının durumu: uğurlar və problemlər” mövzusunda “dəyirmi masa” keçirilmişdir.
Bir sıra məktəblərin uşaq parlamentlərinin sədrləri və diaspor nümayəndələrnin iştirak etdiyi tədbirdə son illər Azərbaycan diasporunun qazandığı uğurlardan, bəzi ölkələrdə lobbiçilik insitutumuzun inkişafından və ermənilərin yaratmq istədikləri problemlərdən danışılmışdır.
GLUT-un sədri F.Şahbazlı ermənilərin yalan və iftira dolu informasiya savaşının qarşısını almaq üçün gəncləri fəal olmağa səsləmişdir.
Türkdilli Dövlətlərin Siyasətinə Dəstək Mərkəzinin sədri Nüsrət Məmmədov Qırğızıstandakı Azərbaycan diasporunun vəziyyəti barədə məlumat vermiş, Azərbaycan həqiqətlərinin dünya ictimaiyyətinə çatdırılması üçün dövlətin gördüyü işləri yüksək qiymətləndirmişdir.
Çıxışlarda ümummilli problemlərimizlə bağlı diaspor nümayəndələrimizin yaşadıqları ölkələrin mətbuatında çıxış etmələrinin vacibliyi xüsusi vurğulanmışdır.
Bölmənin digər xəbərləri
