“Gənc turist” klubunun üzvləri regionlardan zəngin təəssüratla qayıtmışlar
Bakı, 28 iyul (AZƏRTAC). Şüvəlan qəsəbə mədəniyyət evinin “Gənc turist” klubu üzvlərinin Şəki, Qax, Ağsu, Zaqatala, Qəbələ və İsmayıllı rayonlarına iyulun 23-dən başlanan tanışlıq səyahəti başa çatmışdır.
Bakı Şəhər Mədəniyyət və Turizm İdarəsindən AZƏRTAC-a bildirmişlər ki, ”Gənc turist" klubunun nümayəndələri “Turizm ili” çərçivəsində reallaşdırılması planlaşdırılan layihəyə uyğun olaraq sözügedən rayonların mədəniyyəti, tarixi, adət-ənənəsi və mətbəxi ilə yaxından maraqlanmış, fotoşəkillər çəkmişlər.
Mədəniyyət evinin "Gənc turist" klubu ilin sonuna kimi Azərbaycanın digər dilbər guşələrinə də səyahətlər təşkil etməyi nəzərdə tutur.
Məqsəd ölkənin mədəniyyət və turizm məkanları haqqında ətraflı məlumatlar əldə etmək, bu ilin axırında mədəniyyət evində keçiriləcək sərgi üçün ətraflı materiallar toplamaqdır.
Bölmənin digər xəbərləri
