“GƏNCƏ” FUTBOL KOMANDASI DOĞMA MEYDANDA İLK OYUNA HAZIRLAŞIR
Gəncə, 11 sentyabr (AZƏRTAC). Üçillik fasilədən sonra Gəncənin eyni adlı futbol komandası yenidən doğma divarlar arasında keçirəcəyi ilk görüşə hazırlaşır.
Futbolçular sentyabrın 12-də Qazaxın “Göyəzən” komandası ilə keçiriləcək oyunda qələbə qazanmaq və azarkeşlərini sevidirmək üçün gərgin məşqlər edirlər.
Gəncə Peşəkar Futbol Klubunun prezidenti Elmir Əliyevin dediyinə görə, Gəncə futbolunun əvvəlki şöhrətini özünə qaytarmaq üçün şəhər rəhbərliyi ilə geniş tədbirlər planı həyata keçirilir. Əsasən yeni nəsil futbolçularının yetişdirilməsi üçün yeniyetmələrdən ibarət futbol komandalarına böyük qayğı və diqqət göstərilir. Bundan əlavə, azyaşlılar arasında futbola marağı artırmaq məqsədi ilə orta məktəblərdə müxtəlif tədbirlər həyata keçirilir.
Bölmənin digər xəbərləri
