Gəncədə arvadını xüsusi amansızlıqla qətlə yetirən şəxsin cinayət işinin istintaqı tamamlanıb
Bakı, 22 avqust, AZƏRTAC
2022-ci ilin dekabrın 14-də Gəncə şəhər sakini, 1980-ci il təvəllüdlü Aytən Süleymanovanın çoxsaylı kəsilmiş-deşilmiş xəsarətlər alması faktı ilə bağlı başlanmış cinayət işi üzrə istintaq tamamlanıb.
Gəncə Şəhər Prokurorluğundan AZƏRTAC-a bildiriblər ki, istintaqla Zaur Süleymanovun birgə yaşadıqları evdə arvadı Aytən Süleymanovaya kəsici-deşici alətlə çoxsaylı xəsarətlər yetirməklə onu qəsdən öldürməyə cəhd etməsinə əsaslı şübhələr müəyyən edilib.
Toplanmış sübutlar əsasında Zaur Süleymanova Cinayət Məcəlləsinin 29, 120.2.4-cü (xüsusi amansızlıqla adam öldürməyə cəhd) maddəsi ilə ittiham elan edilərək cinayət işi baxılması üçün aidiyyəti üzrə Gəncə Ağır Cinayətlər Məhkəməsinə göndərilib.
Bölmənin digər xəbərləri
