Gəncədə “Gəncəni yaşıllaşdıraq” devizi ilə ağacəkmə kampaniyası keçirilmişdir
Gəncə, 1 dekabr (AZƏRTAC). Heydər Əliyev Fondunun vitse-prezidenti Leyla xanım Əliyevanın təsis etdiyi Ətraf Mühitin Mühafizəsi Üzrə Beynəlxalq Dialoq Təşəbbüsünə - IDEA-ya qoşulan Gənclər Üçün Təhsil Mərkəzinin Gəncə Regional ofisi “Gəncəni yaşıllaşdıraq” devizi altında ağacəkmə kampaniyasına start vermişdir.
Gəncə Regional ofisinin rəhbəri Natella Əhmədova AZƏRTAC-a demişdir ki, ilk tədbir Heydər Əliyev parkında keçirilmişdir. Şəhərdə fəaliyyət göstərən ali təhsil ocaqları tələbələrinin iştirak etdikləri aksiya zamanı parkda qurumuş ağaclar çıxarılaraq atılmış və yerində 300-dən çox şam, küknar, sərv və çinar ağacları əkilmişdir. Əkilən ağacların suvarılması üçün yerli bələdiyyənin imkanlarından istifadə edilmişdir.
Bölmənin digər xəbərləri
