Gənclərin ətraf mühit sahəsində bilikləri artırılır
Bakı, 22 aprel (AZƏRTAC). Ekologiya və Təbii Sərvətlər Nazirliyi 22 aprel- Beynəlxalq Yer Günü ilə əlaqədar maarifləndirici tədbirləri davam etdirir.
Nazirliyin mətbuat xidmətindən AZƏRTAC-a bildirmişlər ki, növbəti tədbir Azərbaycan Turizm İnstitutunda gənclərin ətraf mühit sahəsində maarifləndirilməsi məqsədi ilə keçirilmişdir.
Görüş Ekologiya və Təbii Sərvətlər Nazirliyi və Azərbaycan Turizm İnstitutunun qarşılıqlı əməkdaşlığı çərçivəsində yaradılmış “Ekoklub”un təşkilatçılığı ilə baş tutmuşdur.
Tədbirdə tələbələrə su ehtiyatlarının idarə olunması, xüsusi mühafizə olunan təbiət ərazilərinin inkişafı, iqlim dəyişmələri, ətraf mühitin mühafizəsi sahəsində həyata keçirilmiş tədbirlər, Azərbaycan Respublikasının ekoloji vəziyyəti, istehsalat və məişət tullantılarının idarə olunması, yaşıl iqtisadiyyat və davamlı inkişaf, Xəzər dənizinin ətraf mühitinin mühafizəsi, işğal olunmuş ərazilərdə ətraf mühitə dağıdıcı təsirin müəyyənləşdirilməsi və s. mövzularda geniş informasiya verilmiş, həmçinin onları maraqlandıran suallar cavablandırılmışdır.
Bölmənin digər xəbərləri
