“Google” “gizli rejim” iddiasını tənzimləmək üçün baxılmış səhifələr haqqında məlumatları məhv edəcək
Bakı, 4 aprel, AZƏRTAC
“Google” şirkətin özəl qaydada baxdıqlarını düşünən insanlar tərəfindən internet istifadəsini gizli şəkildə izlədiyini bildirən iddianı tənzimləmək üçün milyardlarla məlumat qeydini məhv etməyə razılaşıb (“gizli rejim”).
AZƏRTAC “Reuters” agentliyinə istinadla xəbər verir ki, iddia Kaliforniya ştatındakı Oklend federal məhkəməsinə verilib və ABŞ-ın bölgə hakimi İvonn Gonsales Rocers tərəfindən baxılacaq.
İddiaçıların vəkilləri şirkətin ödəyəcəyi kompensasiyanı 5 milyard dollardan çox, hətta 7,8 milyard dollar məbləğində qiymətləndiriblər. Qeyd edək ki, “Google” heç bir zərərin əvəzini ödəmir, lakin istifadəçilər zərərin fərdi şəkildə ödənilməsi ilə bağlı şirkəti məhkəməyə verə bilərlər.
Şirkətə qarşı kollektiv iddia ilk dəfə hələ 2020-ci ildə qaldırılıb və “gizli rejim” xidmətindən istifadə edən milyonlarla “Google” istifadəçisini əhatə edib.
İstifadəçilər analitika, cookie faylları və “Google” tətbiqlərinin Alphabet (GOOGL.O) “Google Chrome” brauzerini “gizli”, digər brauzerləri isə “şəxsi” baxış rejiminə keçirən insanların hərəkətlərini izləməyə imkan edir. Onlar bildiriblər ki, bu, “Google”u dostları, sevdikləri yeməklər, hobbilər, alış-veriş vərdişləri və internetdə axtardıqları “ən intim və potensial utancverici şeylər” haqqında məlumat əldə etməsinə imkan verərək “məlumat dəryasına” çevirib.
“Google”un istifadəçilərlə əvvəllər əldə etdiyi razılaşmaya əsasən, şirkət “qeyri-rəsmi” baxış zamanı məxfi məlumat topladığı barədə məlumatları yeniləyəcək. “Googl Chrome”da bu dəyişmələr prosesi artıq başlayıb. Bu, həmçinin “Google Chrome” istifadəçilərinə “gizli rejim”də yad cookie fayllarını beş il müddətinə bloklamağa imkan verəcək.
“Nəticədə, “Google” şəxsi istifadəçi baxış sessiyalarından daha az məlumat toplayacaq və bu məlumatlardan daha az pul qazanacaq”, - deyə iddiaçıların vəkilləri qeyd ediblər.
“Google”un nümayəndəsi Xose Kastaneda şirkətin həmişə əsassız hesab etdiyi münaqişəni həll etməkdən məmnun olduğunu bildirib. “Biz heç vaxt “gizli rejim”də səhifələrə baxan istifadəçilərin məlumatlarından istifadə etmirik. Lakin əvvəllər heç vaxt müəyyən bir şəxslə əlaqəli olmayan və hər hansı bir fərdiləşdirmə üçün istifadə edilməyən köhnə texniki məlumatları silməyə hazırıq””, - deyə o əlavə edib.
İddiaçıların vəkili Devid Boys açıqlamasında istifadəçilərlə şirkət arasındakı razılaşmanı “dominant texnoloji şirkətlərdən dürüstlük və hesabatlılıq tələb edən tarixi addım” adlandırıb.
İlkin razılaşma dekabr ayında əldə edilib, bu da 2024-cü il fevralın 5-nə planlaşdırılan məhkəmə prosesindən yayınmağa imkan verib. Həmin vaxt şərtlər açıqlanmırdı. İddiaçıların vəkilləri daha sonra “Google”a qarşı iddialarda göstərilməyən məhkəmə xərclərinin ödənilməsini tələb etməyi planlaşdırırlar.
Bölmənin digər xəbərləri
