Göygöl meşələrində payız əkininə başlanılmışdır
Göygöl, 21 (AZƏRTAC). Göygöl meşə mühafizəsi və bərpası idarəsi payız əkini kampaniyasına başlamışdır.
İdarə direktorunun müavini Aslan Vəliyev AZƏRTAC-a demişdir ki, keçirilən yoxlama və reydlər zamanı Göygöl meşələrinin yaxınlığında və digər ərazilərdə 70 hektaradək boş sahənin mövcudluğu və bu torpaqlarda yeni meşələrin salınması imkanları məlum olmuşdur. Bu məqsədlə idarənin bütün kollektivi səfərbər olunaraq meşə əkini işlərinə cəlb edilmişdir. Qısa vaxt ərzində 30 hektar sahədə palıd, vələs, fıstıq, ağcaqayın, şabalıd, qoz, fındıq və s. ağac tingləri əkilmişdir. Yeni əkilmiş sahələrin mal-qaradan qorumaq məqsədilə ərazilərə mühafizə çəpərləri çəkilmişdir.
Hazırda əkin prosesi davam edir.
Bölmənin digər xəbərləri
