Göygöl rayonunda keçirilən təlim zamanı yanğınların söndürülməsi metodları əyani olaraq göstərilib
Bakı, 12 aprel, AZƏRTAC
Meşə yanğınlarının qarşısının alınması məqsədilə Göygöl Rayon İcra Hakimiyyətinin, Regional Meşə Təsərrüfatı mərkəzlərinin, Fövqəladə Hallar Nazirliyinin Regional Dövlət Yanğın Nəzarəti İdarələrinin əməkdaşlarının iştirakı ilə Göygöl rayonunda “Yanğın təhlükəsizliyi” mövzusunda təlim keçirilib.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirilib ki, təlimdə meşə və yaşıllıq ərazilərində baş verə biləcək yanğın hadisələrinə qarşı profilaktik tədbirlərin səmərəliliyinin artırılması, yanğınların qarşısının vaxtında alınması sahəsində birgə əməkdaşlığın daha da genişləndirilməsinin əhəmiyyəti müzakirə edilib, yanğınların söndürülməsi metodları əyani olaraq göstərilib.
Sonda mövzu ətrafında fikir mübadiləsi aparılıb, tədbir iştirakçılarını maraqlandıran suallar cavablandırılıb.
Bölmənin digər xəbərləri
