Güllü Karanfil: Xurşidbanu Natəvanın izlərini Ağdamda görmək xüsusi bir duyğudur
Ağdam, 2 iyul, AZƏRTAC
“Ağdam şəhərindəki “İmarət” kompleksində Xurşidbanu Natəvanın, eləcə də Qarabağ xanlığına aid digər tarixi şəxsiyyətlərin türbələrini və abidələrini görmək mənim üçün çox təsirli oldu. Mən dərslərdə tələbələrimə Natəvan haqqında hər zaman məlumat verirəm, indi isə onun izlərini məhz burada görmək xüsusi bir duyğudur”.
Bu fikirləri AZƏRTAC-a açıqlamasında “Birinci Türkoloji Qurultay: yüz ilin elmi və mədəni irsi” mövzusunda beynəlxalq konqresin iştirakçısı, Moldovanın Komrat Dövlət Universitetinin dosenti Güllü Karanfil deyib.
Ağdama ilk dəfə səfər etdiyini və bura ilə bağlı çox şey eşitdiyini bildirən alim təəssüratlarını belə bölüşüb: “Bu səfər mənim üçün çox təsirli bir təcrübə oldu. Hazırda Ağdamda gördüyüm mənzərə göstərir ki, şəhər sürətlə yenidən qurulur, bərpa edilir və yenidən həyata qaytarılır. İnanıram ki, Qarabağ bölgəsi tamamilə bərpa olunacaq və öz əvvəlki ehtişamına qovuşacaq”.
Müxbir - Gülay Nəzərova
Bölmənin digər xəbərləri
