GÜRCÜSTAN PARLAMENTİNİN SƏDRİ MARNEULİDƏ NOVRUZ BAYRAMI ŞƏNLİYİNDƏ İŞTİRAK ETMİŞDİR
N.Burcanadze tədbirin iştirakçılarını təbrik etmiş, qədim tarixi olan Novruzun hər bir ailəyə rifah, xoşbəxtlik gətirməsini arzulamışdır. O, Azərbaycan-Gürcüstan münasibətlərinin möhkəmlənib yeni vüsət aldığından, Gürcüstan azərbaycanlılarının cəmiyyətə inteqrasiyasından və s. məsələlərdən danışmış, əhali ilə görüşüb söhbət etmişdir.
Azərbaycan-Gürcüstan parlamentlərarası dostluq qrupunun rəhbəri, Milli Məclisin deputatı Qənirə Paşayeva borçalılara respublika rəhbərliyinin təbrikini, xoş arzularını çatdırmışdır.
Azərbaycanın Gürcüstandakı səfiri Namiq Əliyev ümummilli lider Heydər Əliyevin Novruz bayramının dövlət səviyyəsində qeyd olunması yönümündə əvəzsiz xidmətlərindən, Prezident İlham Əliyevin Bakıda keçirilən bayram şənliklərində iştirakından söhbət açmışdır.
Tədbirdə çıxış edənlər Azərbaycan-Gürcüstan dostluğunun bir çoxlarına nümunə olduğunu, Novruzun bölgədə yaşayan bütün xalqların bayramına çevrildiyini vurğulamışlar.
Bölmənin digər xəbərləri
