Gürcüstanda nazir müavini koronavirusa görə özünü cəmiyyətdən təcrid edib
Tbilisi, 10 mart, AZƏRTAC
Gürcüstanın İqtisadiyyat və Davamlı İnkişaf Nazirinin müavini Gennadi Arveladze koronavirusa görə özünü cəmiyyətdən təcrid edib.
AZƏRTAC xəbər verir ki, nazir müavini bu barədə özünün “Facebook” səhifəsində yazıb.
G.Arveladze bildirib ki, Gürcüstanda koronavirusa yoluxmuş şəxslərlə görüşüb və bundan sonra özünü təcrid barədə qərar qəbul edib.
Onun özlərinə görə, sağlamlıq vəziyyəti hələlik yaxşıdır, onun qan analizlərinin cavabı və gələcək durumu barədə cəmiyyətə mütəmadi xəbər veriləcək.
Qeyd edək ki, Gürcüstanda 15 nəfər COVID-19 virusuna yoluxmuş şəxs var. Daha 140-dan çox insan karantin nəzarətində, 51 nəfər isə stasionar müalicə alır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
