Gürcüstanda növbəti dəfə zəlzələ olub
Tbilisi, 27 iyul, AZƏRTAC
İyulun 27-də Gürcüstanın Borjomi şəhəri yaxınlığında zəlzələ qeydə alınıb.
AZƏRTAC xəbər verir ki, bu barədə Gürcüstan Milli Seysmoloji Monitorinq Mərkəzi məlumat yayıb.
Bildirilib ki, yeraltı təkanlar yerli vaxtla 16:58-də Borjomi şəhərindən 12 kilometr aralıda 3,4 bal gücündə olub. Qeyd olunub ki, bu iyul ayı ərzində Gürcüstanda qeydə alınan 10-cu zəlzələdir. Ay ərzində ən güclü zəlzələ 4,2 bal gücündə olub.
Məlumat üçün qeyd edək ki, Gürcüstan orta seysmik aktiv zonadır. Sonuncu dəfə ən güclü zəlzələ 1991-ci ildə Raça və İmereti bölgələrində 7,0 bal gücündə olub. Bu zəlzələ nəticəsində 200 nəfər ölüb, 46 min ev və sosial obyekt dağılıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
