Gürcüstanın ticarət dövriyyəsi 14,9 faiz azalıb
Tbilisi, 13 oktyabr, AZƏRTAC
Gürcüstanın ticarət dövriyyəsi cari ilin yanvar-sentyabr aylarında 8,12 milyard ABŞ dolları olub. Bu da 2019-cu ilin eyni dövrü ilə müqayisədə 14,9 faiz azdır.
AZƏRTAC xəbər verir ki, bu barədə Gürcüstanın Milli Statistika İdarəsindən bildirilib.
Qeyd olunub ki, son bir ildə Gürcüstanın ticarət dövriyyəsində ixracın dəyəri 12,1 faiz azalaraq 2,4 milyard dollar, idxalının dəyəri isə 15,9 faiz düşərək 5,7 milyard dollar təşkil edib.
Xarici ticarətdə 3,31 milyard dollar kəsir yaranıb ki, bunun da ümumi ticarət dövriyyəsindəki payı 40,8 faizdir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
