SİYASƏT
Həmvətənlərimiz Hyustonda Azərbaycanın Müstəqillik Gününü qeyd etmişlər
Vaşinqton, 14 oktyabr (AZƏRTAC). Hyustonun Azərbaycan icmasının nümayəndələri ənənəyə uyğun olaraq, Müstəqillik Gününü bayram etmək üçün şəhər parkına toplaşmışlar.
Tədbir Hyuston-Bakı Qardaşlaşmış Şəhərlər Assosiasiyası və Hyustondakı Azərbaycan Mərkəzi tərəfindən təşkil edilmişdir. Bayram şənliklərində Azərbaycan mənşəli amerikalıların gənc nəslinin nümayəndələri də iştirak etmişlər. Belə tədbirlər onların milli ruhda tərbiyə olunmasında xüsusi rol oynayır.
Yusif Babanlı
AZƏRTAC-ın xüsusi müxbiri
Vaşinqton