HƏMYERLİMİZ FİRUDİN SƏFƏROVA ÖZBƏKİSTANIN “ƏMƏK ŞÖHRƏTİ” ORDENİ VERİLMİŞDİR

29.08.2003 [10:53]
Çap et
A⁺ A^-

Dövlət müstəqilliyinin on iki illiyi münasibətilə Özbəkistan prezidenti İslam Kərimovun fərmanına əsasən, ölkənin bir qrup elm, ədəbiyyat, mədəniyyət, incəsənət, səhiyyə və mətbuat işçisinə fəxri adlar və mükafatlar verilmişdir. “Əmək şöhrəti” ordeni alanlar arasında Azərbaycanın və Özbəkistanın xalq artisti, Həmzə adına Dövlət mükafatı laureatı, Əlişir Nəvai adına Özbəkistan Akademik Böyük Teatrının rejissoru Firudin Səfərov da var.

Firudin Səfərov 25 ildir ki, Özbəkistanda çalışır. O, Bakı və Daşkənd opera teatrlarının səhnəsində 60-dan çox əsərə quruluş vermişdir. Böyük Üzeyir Hacıbəyovun Bakı teatrında uzun illərdən bəri göstərilən “Koroğlu” və “Leyli və Məcnun” operalarının quruluşçu rejissoru da Firudin Səfərovdur. Dahi italyan bəstəkarı C.Verdinin Daşkənd teatrında tamaşaya qoyulmuş 6 əsərindən beşinə Firudin Səfərov səhnə həyatı vermişdir.

Firudin Səfərov həm də M. Əşrəfi adına Özbəkistan Dövlət Konservatoriyasının professorudur. O, gənc opera rejissorlarının yetişməsində böyük əmək sərf edir.

Bu il görkəmli həmyerlimizin 70 yaşı tamam olur. Bu münasibətlə noyabr ayında Daşkənddə təntənəli yubiley mərasimi keçiriləcəkdir.

HƏMYERLİMİZ FİRUDİN SƏFƏROVA ÖZBƏKİSTANIN “ƏMƏK ŞÖHRƏTİ” ORDENİ VERİLMİŞDİR

MÜƏLLİFLƏ ƏLAQƏ

Bölmənin digər xəbərləri