HEYDƏR ƏLİYEV BAKI SLAVYAN UNİVERSİTETİNİN YARADICISIDIR
Əvvəlcə Azərbaycanın dövlət himni səsləndirilmişdir.
Universitetin rektoru, əməkdar elm xadimi, professor Kamal Abdullayev Qələbə günü münasibətilə II Dünya müharibəsi veteranlarını təbrik etmişdir. Onlara gül buketləri təqdim olunmuşdur.
K.Abdullayev “Heydar Əliyev Bakı Slavyan Universitetinin yaradıcısıdır” mövzusundakı məruzəsində respublkamızda elmin və təhsilin inkişafında ümummilli liderimizin əvəzsiz xidmətlərindən ətraflı danışmışdır. Heydər Əliyevlə görüşlərini xatırladan natiq universitetin dahi rəhbərin təşəbbüsü ilə yaradıldığını xüsusi diqqətə çatdırmışdır. Bildirmişdir ki, ulu öndərimizin universitetlə bağlı arzuları bu gün uğurla həyata keçirilir. Artıq bu təhsil ocağını MDB məkanında yaxşı tanıyırlar. Hazırda universitetin xarici ölkələrin təhsil ocaqları ilə də əlaqələri genişləndirilmişdir. Rusiya Federasiyasının Prezidenti Vladimir Putin dövlət başçısı kimi ölkəmizə ilk səfərində BSU-nun fəxri doktoru seçilmişdir.
Konfransda təhsil nazirinin müavini İradə Hüseynova, Milli Məclisin elm və təhsil məsələləri daimi komissiyasının sədri, professor Şahlar Əsgərov, Ali İctimai-Siyasi kollecin rektoru, professor Rasim Nəbiyev və başqaları çıxış etmişlər.
Konfransda müxtəlif mövzularda məruzələr dinlənilmişdir.
Bölmənin digər xəbərləri
