HİNDİSTAN TARİXİNDƏ İLK DƏFƏ OLARAQ HÖKUMƏTƏ SİQH İCMASININ NÜMAYƏNDƏSİ BAŞÇILIQ EDƏCƏK

19.05.2004 [23:38]
Çap et
A⁺ A^-

AZƏRTAC İTAR-TASS agentliyinə istinadla xəbər verir ki, mayın 19-da Manmohan Sinqh seçkilərdə qalib gələn Hindistan Milli Konqresinin (İ) parlament fraksiyasının lideri vəzifəsinə təsdiq olunmuşdur. Bu qərar fraksiyanın Sonya Qandinin sədrliyi ilə qapalı keçirilən iclasında qəbul edilmişdir. Onun lideri avtomatik surətdə ölkənin baş naziri olur.

Beləliklə, respublikanın tarixində ilk dəfə olaraq Hindistan hökumətinə siqh icmasının nümayəndəsi başçılıq edəcəkdir.

Manmohan Sinqh 1932-ci il sentyabrın 26-da indiki Pakistanın ərazisində, Qərbi Pəncabda doğulmuşdur. Pəncab Universitetində ali təhsil almış, burada iqtisadiyyat problemləri üzrə ixtisaslaşmış, Kembric və Oksford universitetlərində oxumuşdur. Bir sıra illər ərzində Hindistanın ali məktəblərində müəllim işləmişdir. İqtisadiyyata dair bir neçə elmi əsərin müəllifidir.

HİNDİSTAN TARİXİNDƏ İLK DƏFƏ OLARAQ HÖKUMƏTƏ SİQH İCMASININ NÜMAYƏNDƏSİ BAŞÇILIQ EDƏCƏK

MÜƏLLİFLƏ ƏLAQƏ

Bölmənin digər xəbərləri