Hindistan və Pakistan ABŞ-ın vasitəçiliyi ilə atəşkəs barədə razılığa gəliblər
Vaşinqton, 10 may, AZƏRTAC
“Birləşmiş Ştatların vasitəçiliyi ilə gecə boyu uzun davam edən danışıqlardan sonra məmnuniyyətlə elan edirəm ki, Hindistan və Pakistan tam və təcili atəşkəs barədə razılığa gəliblər”.
AZƏRTAC-ın məlumatına görə, bu barədə ABŞ Prezidenti Donald Tramp deyib. O hər iki ölkəyə sağlam düşüncə və ağıl sərgilədiyi üçün minnətdarlığını bildirib.
ABŞ Dövlət katibi Marko Rubio isə danışıqları vitse-prezident Cey Di Venslə birlikdə 48 saat müddətində hər iki ölkənin yüksək səviyyəli rəsmiləri ilə apardıqlarını açıqlayıb. Onun sözlərinə görə, atəşkəs razılığına gələn ölkələr neytral ərazidə geniş danışıqlara başlayacaqlar.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
