Hindistanda yük maşınının aşması nəticəsində doqquz nəfər həlak olub
Bakı, 14 iyul, AZƏRTAC
Hindistanın cənubundakı Andhra Pradeş əyalətində yük maşının aşması nəticəsində doqquz nəfər həlak olub, 11 nəfər isə yaralanıb.
AZƏRTAC xəbər verir ki, bu barədə əyalət polisi açıqlama yayıb. Bildirilib ki, yük maşınında təxminən 40 ton manqo və 20 nəfər işçi heyəti olub. Yerli sakinlər və xilasedicilər qəza yerinə gələrək xilasetmə işləri görüblər və yaralıları xəstəxanaya çatdırıblar.
Polis qəzanın başvermə səbəbini yük maşınının həddindən artıq yüklənməsi ilə əlaqələndirib.
Qeyd edək ki, Hindistanda çox vaxt həddindən artıq yüklənmə, yolların pis vəziyyəti və sürücülərin ehtiyatsızlığı səbəbindən ölümcül yol qəzaları baş verir.
Bölmənin digər xəbərləri
