HOLLANDİYADA RESPUBLİKA GÜNÜ QEYD OLUNMUŞDUR
Hollandiyada fəaliyyət göstərən Benilüks Azərbaycanlıları Konqresinin (BAK) mətbuat xidmətindən AZƏRTAC-ın xüsusi müxbirinə bildirmişlər ki, BAK-ın təşəbbüsü ilə ölkənin paytaxtı Amsterdamda və iri liman şəhəri Rotterdamda Azərbaycanın milli bayramı - Respublika günü geniş qeyd edilmişdir.
BAK Amsterdamın Avropa mehmanxanasında Hollandiyada fəaliyyət göstərən turizm şirkətləri üçün keçirdiyi təntənəli qəbulda Azərbaycanda turizmin inkişafı ilə bağlı fotostend nümayiş etdirilmişdir.
Azərbaycan icması isə Rotterdam şəhərində Respublika günü ilə əlaqədar yaddaqalan tədbir keçirmişdir. Tədbirdə müstəqilliyini bərpa etdikdən sonra ölkəmizdə həyata keçirilən mühüm quruculuq işlərindən söz açılmış, Azərbaycanın Avropa dövlətləri ilə əlaqələrinin durmadan inkişaf etdiyi xüsusi vurğulanmışdır.
Tədbirin sonunda yenicə açılmış milli yeməkxanamızda tədbir iştirakçılarına ziyafət verilmişdir.
Bölmənin digər xəbərləri
