“İçərişəhər” Qoruq İdarəsinin keçirdiyi “Seç zaman - tap qazan” adlı müsabiqə davam edir
Bakı, 2 iyun, AZƏRTAC
“İçərişəhər” Dövlət Tarix-Memarlıq Qoruğu İdarəsinin Respublika Günü münasibətilə elan etdiyi “Seç zaman, tap qazan” adlı müsabiqə davam edir.
İdarədən AZƏRTAC-a bildirilib ki, iyunun 6-dək davam edəcək müsabiqə müddətində hər kəs İçərişəhər ərazisində yerləşən məşhur restoranlarda və hədiyyə mağazalarında olduqca sərfəli endirimlər qazana bilər.
Müsabiqənin şərtlərinə görə, iştirakçılar gün ərzində əvvəlcədən qurumun səhifəsində elan edilən məkanlara qeyd olunan saatlarda yaxınlaşmalıdır. Orada əməkdaşlar tərəfindən Azərbaycan Xalq Cümhuriyyəti və İçərişəhərə dair ümumilikdə 3 sual veriləcək. Hər bir düzgün cavaba görə müəyyən endirim haqqı qazanılacaq. Hətta cəmi bir suala düzgün cavab verən iştirakçı belə endirim fürsətindən yararlana biləcək.
Bölmənin digər xəbərləri
