İkinci milli turizm mükafatı müsabiqəsi 13 nominasiya üzrə keçirilir
Bakı, 7 iyun (AZƏRTAC). Bakı Turizm İnformasiya Mərkəzinin təşkilatçılığı ilə II milli turizm mükafatı müsabiqəsinə başlanılmışdır.
Mərkəzdən AZƏRTAC-a bildirmişlər ki, müsabiqənin təşkilində məqsəd turizm sənayesinin davamlı inkişafı, xidmət keyfiyyətinin yüksəldilməsi, müxtəlif turizm növlərinin stimullaşdırılmasına nail olmaq, eləcə də kütləvi informasiya vasitələrinin bu mövzu ilə bağlı yaradıcılıq potensialını gücləndirməkdir.
Artıq müsabiqədə iştirak etmək üçün sənədlərin qəbuluna başlanmışdır.
Müsabiqə xarici və daxili turizm sahəsində ən yaxşı turoperator, 5, 4, 3 ulduzlu hotel, ixtisaslaşdırılmış KİV, nəşriyyat evi, turizm sahəsində ən yaxşı internet portalı, turist kompleksi daxil olmaqla, ümumilikdə 13 nominasiya üzrə keçirilir.
Müsabiqənin qalibləri sentyabrın 27-də - Dünya Turizm Günündə mükafatlandırılacaqlar.
Bölmənin digər xəbərləri
