İndoneziyada əməkhaqları ilə bağlı yeni qanunun qəbulu etirazlara səbəb olub
Tokio, 9 oktyabr, AZƏRTAC
İndoneziyada on minlərlə insan işçilərin hüquqlarını məhdudlaşdıran yeni qanunun qəbuluna etiraz etmək üçün küçələrə çıxıb.
AZƏRTAC xəbər verir ki, nəticədə polislə nümayişçilər arasında toqquşma baş verib.
Həmkarlar ittifaqları təşkilatlarının və tələbələrin üstünlük təşkil etdiyi nümayişçilər Cakartada prezident sarayının və digər dövlət əhəmiyyətli binaların ətrafında toplaşıblar.
Polis kütləni dağıtmaq üçün gözyaşardıcı qazdan istifadə edib. Təhlükəsizlik qüvvələrinə cavab verməyə çalışan bir sıra nümayişçilər onları daşa basıblar. Bir neçə polis avtomobili və bəzi obyektlər yandırılıb.
Polisin məlumatına görə, aksiyanın minə yaxın iştirakçısı saxlanılıb.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
