İNGİLİSLƏRİN MƏĞLUBİYYƏTİNİ ÖLKƏDƏ AZARKEŞLƏR QALMAQALLA QARŞILADILAR

14.06.2004 [15:55]
Çap et
A⁺ A^-

AZƏRTAC xəbər verir ki, Röyter agentliyinin yaydığı məlumata görə, Avropa çempionatında ingilislərin fransızlara 1:2 hesabı ilə uduzması paytaxt Londonun ətraf Kroydon qəsəbəsində azarkeşlərin hiddətinə səbəb olmuşdur. 400-dək futbol divanəsi ilə polis arasında toqquşma baş vermişdir. Başqa bir ətraf qəsəbədə - Hartfordşirdə 150 xuliqanı sakitləşdirməyə cəhd göstərərkən beş polis nəfəri yaralanmışdır. 31 azarkeş həbs olunmuşdur.

Birminhemdə 200-dək xuliqan şəhərin mərkəzində azğınlıq etmişdir. Nəticədə, polis onların 12-ni həbsə almışdır. İngiltərənin şərqindəki Boston şəhərində azarkeşlər iki polis avtomobilini aşıraraq yandırmışlar. Ölkənin şimalındakı Ueykfild şəhərində yüzlərlə azarkeş iğtişaşlar törətmişdir.

İngiltərə-Fransa görüşünün keçirildiyi Lissabonda polis ingilis azarkeşlərdən birini həbs etmişdir. O, oyun zamanı stadionun işçilərindən birinə əl qaldırmışdır.

İNGİLİSLƏRİN MƏĞLUBİYYƏTİNİ ÖLKƏDƏ AZARKEŞLƏR QALMAQALLA QARŞILADILAR

MÜƏLLİFLƏ ƏLAQƏ

Bölmənin digər xəbərləri