“İNTER” KİPRDƏ HAZIRLIĞINI BAŞA ÇATDIRMIŞDIR

03.02.2006 [20:25]
Çap et
A⁺ A^-

AZƏRTAC xəbər verir ki, ölkə futbol çempionatının ikinci dövrəsinə hazırlığı Kiprdə keçirən Bakının “İnter” komandası səfərdə təlim-məşq toplanışı mərhələsini başa vurmuşdur.

Kiprə yanvarın 18-də yola düşmüş “İnter” orada bir sıra yoldaşlıq görüşlərində qüvvəsini sınamışdır.

İlk olaraq, Şotlandiyanın “Sent Mirren” komandasına 3:1, daha sonra Kiprin “Anok” klubuna 5:4 hesabı ilə qalib gələn Anatoli Konkovun yetirmələri bunun ardınca, Rumıniyanın “Vaslul”, Serbiya və Çernoqoriyanın “Buduçnost” kollektivlərinə 0:1, Ukraynanın “Tavriya” klubuna isə 3:2 hesabı ilə uduzmuşlar.

Yoldaşlıq oyunları çərçivəsində Rumıniyanın birinci dəstə təmsilçisi ilə keçirilmiş sonuncu görüşdə isə “İnter” 1:0 hesabı ilə qələbə qazanmışdır.