İRAQ PREZİDENTİ PKK-NIN MƏHVƏ MƏHKUM OLDUĞUNU VƏ GƏLƏCƏYİNİN OLMADIĞINI BİLDİRMİŞDİR
Cəlal Təlabani Yunanıstanda nəşr olunan “Elefterotipiya” qəzetinə müsahibəsində Türkiyə ilə İraq arasında qarşılıqlı etimad mühitinin yaranmasına PKK-nın əngəl olduğunu və indən belə bu problemin olmayacağını bildirmişdir. Onun sözlərinə görə, İraqdakı Kandil dağında məskunlaşmış terrorçular Türkiyənin onların əfv olunmasını elan etməsini və öz evlərinə qayıtmağı gözləyirlər. Təlabani, eyni zamanda, bu addımın Ankara üçün asan olmadığını anladığını da söyləmişdir.
Bu arada, İraqın şimalındakı regional hakimiyyətin başçısı Adnan Əl Müftü də sərhədlərin İraq tərəfindən pis qorunması səbəbindən terrorçuların Türkiyəyə keçməsi barədə Ankaranın şikayətinin haqlı olduğunu etiraf etmiş, amma bununla bağlı tədbirlər görməkdə aciz olduqlarını söyləmişdir.
Bölmənin digər xəbərləri
