İRAQDA SƏDDAM HÜSEYNİN OĞULLARINI ƏLƏ VERMƏKDƏ ŞÜBHƏLİ BİLİNƏN ŞƏXSİN QARDAŞI QƏTLƏ YETİRİLMİŞDİR
AZƏRTAC ərəb informasiya agentliklərinə istinadla xəbər verir ki, İraqda Səddam Hüseynin oğulları – Udeyi və Küseyi ələ verməkdə şübhəli bilinən Nəvvaf əs-Zeydanın qardaşı Salah əs-Zeydan Mosul şəhərində, avtomobilinin atəşə tutulmasi nəticəsində həlak olmuşdur.
Xatırladaq ki, ötən il iyulun 22-də Amerika əsgərləri devrilmiş diktatorun axtarışda olan oğullarını Mosulda qətlə yetirmişdilər. Onların yerini sığınacaq tapdıqları evin sahibi Nəvvab əs-Zeydanın bildirdiyi güman olunur. Hadisədən sonra 30 milyon dollar məbləğində mükafatlandırılan Nəvvafın taleyi naməlum qalmışdır.
Bölmənin digər xəbərləri
