İşğal edilmiş ərazilərimizin turizm imkanları ilə bağlı yeni layihənin icrasına başlanmışdır
Bakı, 3 avqust (AZƏRTAC). “Qadınlar Sülh və Ekoloji Təmizlik Uğrunda” İctimai Birliyi “Turizm İli” çərçivəsində “İşğal edilmiş ərazilərdə turizm infastrukturuna dəymiş zərər haqqında məlumatların yerli və beynəlxalq təşkilatlara çatdırılması” layihəsinin icrasına başlamışdır.
AZƏRTAC xəbər verir ki, layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası tərəfindən maliyyələşdirilir.
Məqsəd ictimaiyyəti Azərbaycanın işğal altında olan ərazilərinin turizm potensialı, bu rayonların təbiətinə və tarixi abidələrinə qarşı ermənilərin törətdikləri vandalizm aktları barədə məlumatlandırmaqdır.
Layihə çərçivəsində Azərbaycanın erməni işğalçıları tərəfindən zəbt edilmiş ərazilərində düşmən qüvvələrin ekoloji tarazlığın pozulmasına yönəlmiş çirkin əməlləri, dağıdılan tarixi abidələrimiz barədə geniş məlumartlar olan web-saytın yaradılması, müxtəlif sərgilərin keçirilməsi nəzərdə tutulur.
Bölmənin digər xəbərləri
