İsmayıllıda mehmanxana və digər yerləşdirmə obyektlərində çalışanlar üçün təlim-tədris kursları başlanmışdır
Bakı, 24 may (AZƏRTAC). Xəbər verildiyi kimi, Prezident İlham Əliyevin müvafiq Sərəncamına uyğun olaraq, Azərbaycanda 2011-ci il “Turizm ili” élan edilməsi çərçivəsində Mədəniyyət və Turizm Nazirliyi tərəfindən Türkiyənin Mədəniyyət və Turizm Nazirliyinin və Türk Əməkdaşlığı və İnkişaf İdarəsinin (TİKA) dəstəyi ilə respublikanın turizm potensiallı şəhər və rayonlarında fəaliyyət göstərən mehmanxana və digər yerləşdirmə obyektlərində çalışanlar üçün təlim-tədris kursları təşkil edilir.
Mədəniyyət və Turizm Nazirliyindən AZƏRTAC-a bildirmişlər ki, bununla əlaqədar birinci olaraq mayın 20-də ölkənin şimal-qərb bölgəsi üzrə İsmayıllı rayonundakı Peşə-Tədris Mərkəzində xidmət sahəsinə dair təlim-tədris kursları başlanmışdır. Kurslar mayın 28-də dinləyicilərə sertifikatların verilməsi ilə başa çatacaqdır.
Bölmənin digər xəbərləri
