İsmayıllıda meşə bərpa tədbirləri genişləndirilir
İsmayıllı, 18 noyabr ( AZƏRTAC). Bu gün respublikamızda meşələrin mühafizəsi, bərpası tədbirlərinin gücləndirilməsi diqqət mərkəzindədir. Ekologiya və təbii sərvətlər nazirliyinin İsmayıllı Meşə Mühafizəsi və Bərpası Müəssisəsində də bu istiqamətdə ardıcıl tədbirlər görülür.
AZƏRTAC xəbər verir ki, təkcə cari ilin ötən müddətində İsmayıllıda 28,5 hektar sahədə meşə əkini, 16,5 hektar sahədə isə meşə səpini işləri aparılmışdır. Əsasən yerli şərait üçün daha əlverişli olan qoz, ağcaqayın, qovaq, akasiya ağacları əkilmiş, palıd toxumları səpilmişdir.
Hazırda meşə əkini işləri davam etdirilir. İstər əkin, istərsə də tinglik sahələrinə aqrotexniki qulluq işləri xüsusu diqqət mərkəzindədir.
Bölmənin digər xəbərləri
