SİYASƏT
İSRAİLDƏ 20 YANVAR FACİƏSİ QURBANLARININ XATİRƏSİ EHTİRAMLA YAD EDİLƏCƏKDİR
AZƏRTAC xəbər verir ki, yanvarın 19-da İsrailin Afula şəhərindəki Azərbaycan Mədəniyyət Mərkəzində 20 Yanvar faciəsinin 18-ci ildönümü ilə əlaqədar anım mərasimi keçiriləcəkdir.
Xarici Ölkələrdə Yaşayan Azərbaycanlılarla İş üzrə Dövlət Komitəsindən bildirmişlər ki, tədbirdə 1990-cı il yanvarın 19-dan 20-nə keçən gecə keçmiş Sovet ordusunun Bakıda törətdiyi qırğın və vəhşiliklər, yüzdən çox dinc insanın, o cümlədən qadınların və uşaqların qətlə yetirilməsi, yüzlərlə adamın yaralanması barədə qonaqlara ətraflı məlumat veriləcək, faciə qurbanlarının xatirəsi ehtiramla yad ediləcəkdir.