İtaliyadan Rumıniyaya qayıdanlar karantinə yerləşdiriləcək
Buxarest, 24 fevral, AZƏRTAC
İtaliyadan gələn rumınlar karantinə yerləşdiriləcək. Bu barədə Rumıniyanın səhiyyə nazirliyi mətbuat açıqlamasında bildirib. Qeyd olunur ki, İtaliyanın koronavirus təhlükəsi ilə üzləşən bölgələrindən gələn vətəndaşlar 14 günlük karantinə yerləşdiriləcəklər. Rumıniya iki ölkə arasında hava və quru nəqliyyatı vasitəsilə çoxlu sayda vətəndaşının İtaliyaya səyahət etməsi səbəbindən koronavirus təhlükəsi ilə üzləşə bilər. Fövqəladə tədbirlərlə bağlı səhiyyə nazirliyinin əməkdaşları hava limanlarında, ölkə sərhədlərində gələn vətəndaşları müayinə edirlər.
İqbal Hacıyev
AZƏRTAC-ın xüsusi müxbiri
Buxarest
Bölmənin digər xəbərləri
