İtaliyalı tennisçi: Bakıda idmançılar üçün bütün lazımi şərait yaradılıb
Bakı, 24 iyul, Şahnaz Abdullayeva, AZƏRTAC
Bir neçə ölkədə beynəlxalq yarışlarda olmuşam. “EYOF Bakı 2019” XV Avropa Gənclər Yay Olimpiya Festivalı çox gözəl təşkil olunub. Qaldığım “Atletlər kəndi”, Bakı Tennis Akademiyasının yarışlar keçirilən açıq, məşqlər üçün qapalı kortları çox yaxşı hazırlanıb. Bakıda idmançılar üçün bütün lazımi şərait yaradılıb.
Bu fikri AZƏRTAC-a müsahibəsində Yay Olimpiya Festivalında yarışan italiyalı tennisçi Daniele Minighini deyib. O bildirib ki, yarışların nəticəsindən asılı olmayaraq Bakıdan öz ölkəsinə müsbət təəssüratlarla geri dönəcək.
“Artıq 1/8 oyunlar gedir. Yarışın çətinliyi hiss olunmağa başlayıb. Ümid edirəm ki, məşqlərim öz nəticəsini verəcək. Vətənimə əliboş qayıtmayacağam”, - deyə italiyalı tennisçi qeyd edib.
Bölmənin digər xəbərləri
