İTALİYANIN SİCİLİYA VİLAYƏTİNİN PREZİDENTİ MAFİYAYA HİMAYƏDARLIQDA İTTİHAM OLUNUR

03.11.2004 [16:06]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, bədnam “Koza nostra” mafiyasına himayədarlıq etdiyinə görə İtaliyanın Siciliya vilayətinin prezidenti Salvator Kuffaroya qarşı ittiham irəli sürülmüşdür. Adanın başçısının mafiozilərə “himayədarlıq etməsindən” mütəşəkkil cinayətkarlığa qarşı məhkəmə prosesləri sayəsində məşhurlaşmış hakim Palermo Bruno Faşana şübhələnmişdir.

Siciliya hökuməti məmurlarından, siyasi xadimlərdən və hüquq mühafizə orqanlarının əməkdaşlarından 13 nəfər tribunal qarşısında cavab verməli olacaqdır. Onların məhkəməsi 2005-ci il fevralın 1-də başlanacaqdır.

Kuffaro barəsində cinayət işi 2003-cü ilin iyununda qaldırılmışdı. O, sərfəli kommersiya qaydaları, məsələn, adada səhiyyə sisteminin inkişafına ayrılacaq sərmayələr barədə məxfi informasiyaları mafiyaya ötürməkdə şübhəli bilinmişdir.

İtaliya prokurorluğunun tanınmış müstəntiqi və korrupsiya əleyhinə “Təmiz əllər” işinin müəllifi Antonio Di Pyetro Siciliya hökumətini dərhal istefa verməyə çağırmışdır.

İTALİYANIN SİCİLİYA VİLAYƏTİNİN PREZİDENTİ MAFİYAYA HİMAYƏDARLIQDA İTTİHAM OLUNUR

MÜƏLLİFLƏ ƏLAQƏ

Bölmənin digər xəbərləri