“JW Marriott Absheron Baku” hoteli dekabr ayında ilk qonaqlarını qəbul edə biləcəkdir
Bakı, 9 iyun (AZƏRTAC). Beynəlxalq Marriott İnternational şəbəkəsinə məxsus olan “JW Marriott” lüks-brendi 2012-ci ilin sonuna qədər 12 yeni hotel açılmasını planlaşdırır. Brendin yeni hotellərinin açılması nəticəsində onun portfoliosu genişlənərək dünyanın 27 ölkəsində 64 hotel və kurortu əhatə edəcəkdir.
AZƏRTAC xəbər verir ki, şirkət 2011-ci ildə Azərbaycanda (Bakı), Hindistanda (Banqalor, Çandiqarx) və Türkiyədə (Ankara) yeni hotellər istifadəyə vermək niyyətindədir. Peruda (Kusko), Birləşmiş Ərəb Əmirliklərində (Dubay, Markiz), Hindistanda (Qurqaon, Çennai), Nyu-York beynəlxalq hava limanı, Vyetnamda (Hanoy), Cənubi Koreyada (Seul) və Maldivdə (Qaakoşibii adası) ucaldılan mehmanxanalar 2012-ci ildə müsafirlər qəbul etməyə başlayacaqlar.
Brendin Azərbaycandakı ilk hoteli olan “JW Marriott Absheron Baku” ilk qonaqlarını cari ilin dekabr ayında qəbul edə biləcəkdir. 243 nömrəlik bu mehmanxana ölkənin paytaxtında, Azadlıq meydanında yerləşir. Bu gözəl hotel səyahətçilərə çoxlu restoran və barlar təklif edəcəkdir. Onların çoxunun pəncərələri şəhərimizin əsas meydanına və Xəzər dənizinə açılır. Mehmanxana müsafirlərin istirahəti üçün təmtəraqlı spa-salon, fitnes mərkəzi və 22-ci mərtəbədə hovuz təklif edəcəkdir. Bundan əlavə, mehmanxanada müşavirələr keçirilməsi üçün 1800 kvadratmetr sahə, o cümlədən pəncərələri meydana açılan geniş (1200 kvadratmetrlik), sütunsuz müsamirə salonu olacaqdır.
Bölmənin digər xəbərləri
