KANADA AZƏRBAYCANLILARI ASSOSİASİYALARI FEDERASİYASI XOCALI FACİƏSİNİN İLDÖNÜMÜ İLƏ ƏLAQƏDAR SİLSİLƏ TƏDBİRLƏR KEÇİRİR
Federasiyadan verilən məlumatda bildirilir ki, təşkilat tərəfindən bu il Xocalı soyqırımına həsr olunmuş xüsusi məlumat nəşr etdirilərək Kanada parlamenti başda olmaqla müvafiq nazirliklərə, beynəlxalq təşkilatlara göndərilmişdir. Məlumatda XX əsrin ən dəhşətli faciəsi, bəşər tarixinin ağır cinayətlərindən biri - Xocalı soyqırımı barəsində bütün faktlar əksini tapmışdır. Bu gərəkli işdə Federasiyaya daxil olan Azərbaycan təşkilatları, ayrı-ayrı həmvətənlərimiz, xüsusilə də Azərbaycanın Kanadadakı səfirliyi yaxından kömək göstərmişlər.
Təşkilat faciə günü də kütləvi tədbirlər təşkil edəcəkdir.
Federasiyanın dünya azərbaycanlılarına ünvanladığı müraciətdə Azərbaycanımızın ən ağrılı məsələsi olan Dağlıq Qarabağ münaqişəsinin beynəlxalq təşkilatların gündəmində daha çox müzakirə olunduğu bir vaxtda Xocalı soyqırımını dünya ölkələri parlamentləri və rəsmi qurumları tərəfindən tanınması üçün hər bir azərbaycanlı fəal olmağa, Azərbaycan naminə birgə mübarizəyə çağırılır.
Bölmənin digər xəbərləri
